Week 6

LESSON TITLE: Faith for Action – Living Wetin You Believe

📖 MEMORY VERSE
Hebrews 11:6 (Pidgin Bible)
“Witout faith, nobody fit make Baba-God happy. Anybody wey wan come near am must believe sey Baba-God dey, and sey e dey reward pipo wey serious dey look for am.”

Students repeat am 3 times:
I get faith.
I believe Baba-God.
Reward dey my way.

📝 LESSON AIM
By di end of dis lesson, we go sabi:
-Wetin faith mean.
-Why faith dey important.
-How faith dey work wit action.
-How faith dey epp pesin fulfill hin purpose for life.

🌍 LESSON INTRODUCTION
My pipo, faith no be wish.
Faith no be to dey do cho-cho-cho.
Faith na action based on trust.
Everi day, we dey believe sometin:
-We believe sey sun go rise.
-We believe say food go satisfy hunger.
-We believe say tomorrow go beta.

Faith in Baba-God mean say:

👉 You trust am.
👉 You believe am.
👉 You act based on wetin e tok.
Faith dey move life forward becos e go make you do wetin you no go fit do normally wit ordinary eyes. Faith dey turn dream to reality and e go give you everitin wey you want.

📖 LESSON TEACHING

1️⃣ Wetin Faith Mean
Faith na strong belief wey dey push you to act, even wen you neva see result.
Faith mean:
-Trust Baba-God word.
-Stand strong even wen condition hard.
-Move forward witout fear.

Example:
-Abraham believe Baba-God, con waka without map.
-David believe Baba-God, con face Goliath.
-Woman wey touch Jesus cloth get healing because of faith.
👉 Faith no be waiting.
👉 Faith na movement.

2️⃣ Faith Must Get Action
James 2:17 tok say:
“Faith without work no get life.”
If you believe:
-You go act.
-You go prepare.
-You go move.

Example:
Pesin wey believe sey exam go sweet, go read.
Farmer wey believe in harvest, go plant seed.
Christian wey believe Baba-God blessing, go obey and pray.
Faith wey no dey show for action no dey work.

3️⃣ Faith Dey Open Purpose
Wen you live by faith:
-Fear go comot.
-Doubt go reduce.
-Purpose go show clear.
Faith dey epp you:
-Use your gift.
-Try new tins.
-Waka enta your calling.
👉 Faith dey tok sey sey: “I fit do am.”
👉 Faith dey tok sey: “Baba-God dey my back.”

4️⃣ Daily Faith Practice

-Think big.
-Start your day wit prayer.
-Believe Baba-God promises.
-Tok faith words, no tok fear.
-Take small steps everi day.
-No give up when delay show.
-Small faith fit move big mountain.
-Consistent faith dey change destiny.

🪞 PRACTICAL APPLICATION FOR LIFE
Start everi morning by telling yoursef sey: “Baba-God, I trust you today.”
-Act on wetin you believe.
-Use your talent witout fear.
-Try again even after failure.
-Ginger yoursef wit faith words.
-Faith dey grow wen you use am.

📌 Stop to dey tok sey:
❌ “I no sure”
❌ “I no fit”
❌ “Make I wait first”

📌 Start to dey tok sey:
✅ “I believe Baba-God”
✅ “I get faith to move forward”
✅ “My life dey go somewhere”

❓ DISCUSSION QUESTIONS + ANSAS
Q1: Wetin faith mean?
✅ Ansa: Faith na strong belief in Baba-God wey dey lead to action.
Q2: Why faith dey important?
✅ Ansa: Faith dey make Baba-God body sweet am, e dey komot fear, and open door for blessings.
Q3: How faith dey work with action?
✅ Ansa: True faith must show for wetin pesin dey do.
Q4: How faith dey epp purpose?
✅ Ansa: Faith dey give courage to use gifts and follow calling.
Q5: Wetin go happun if pesin no get faith?
✅ Ansa: Fear and doubt go stop progress, con delay purpose.

🗣️ WEEK SIX CONFESSION
“Baba-God, I believe you.
I trust your word.
My faith dey alive wit action.
Fear no get pawa over me.
I dey waka inside purpose.
My steps dey correct kamkpe.
Good tins dey my way. Amen.”

📌 TEACHER NOTE
Explain sey faith na lifestyle, no be emergency tool.
Encourage students to practice faith everiday.
Use real-life examples to show faith inside action.
Remind dem say faith plus obedience dey work togeda.