Week 5

LESSON TITLE: Obedience for Action – Unlocking Blessings and Fulfilling Purpose

📖 MEMORY VERSE
Deuteronomy 28:1-2 (Pidgin Bible)
“If you dey obey Baba-God, and you dey follow Hin instruction well-well, blessings go dey your way, blessings go follow you. All di good tins wey Baba-God promise go reach you.”

Students repeat am 3 times:
I go obey Baba-God. Blessings dey my way. Di good tins go reach me.

📝 LESSON AIM
By di end of dis lesson, we go sabi:
-Wetin obedience mean.
-Why obedience dey important for life.
-How obedience dey unlock blessings.
-How obedience dey connect to fulfilling life purpose.

🌍 LESSON INTRODUCTION
My pipo , obeying Baba-God no mean sey we dey limit awasef.
-Obedience dey bring blessings.
-Obedience dey fulfill life purpose.
-Obedience dey protect life.

Everyday, we dey choose: obey or disobey.
Everyday, awa choice dey decide: blessing or wahala.
Baba-God dey promise: obedience dey bring reward.

📖 LESSON TEACHING

1️⃣ Wetin Obedience Mean
Obedience na to follow Baba-God instruction withl heart, mind, plus action.
No be only to just tok sey “I go obey”
Na action too: do di tins wey rhyme wit wetin Baba-God tok.
Example:
Noah obey Baba-God, con build ark (big-boat) before rain start.
Abraham obey Baba-God, con waka go promised land.
Jesus obey Baba-God even reach death.

2️⃣ Obedience Dey Bring Blessings
Deuteronomy 28:1-2 tok sey:
“If you dey obey Baba-God, blessings go dey your way.”
Obedience dey attract favor.
Obedience dey open doors wey you never see before.
Obedience dey increase life purpose plus progress.
Example:
Student wey dey obey Baba-God, dey study hard, go succeed
Worker wey dey honest, dey blessed with promotion
Family wey dey follow Baba-God law, dey enjoy peace.

3️⃣ Obedience Connect Purpose to Life
Wen you obey Baba-God:
-Your gifts go dey used well-well.
-Your talents dey multiply.
-Your life dey make sense
👉 Obedience dey show say you sabi wetin you dey live for.
👉 Obedience dey connect faith, trust, creativity, and purpose.

4️⃣Daily Obedience Practice
-Pray con ask Baba-God for guidance.
-Read di Bible daily
-Apply wetin you learn for school, house, and work.
-Speak life plus positive words.
-Avoid temptation, always choose wetin dey right.

Small obedience dey important
Big obedience dey multiply blessing

🪞 PRACTICAL Application FOR LIFE
Start every day: “Baba-God, I go obey you today”
Follow instructions, even for small tins.
Use your gifts plus talent take bless odas.
Speak positive words for yoursef and family.
Watch blessings show-face slowly and steadily.

📌 Stop to dey tok sey:
❌ “I no get time to obey”
❌ “Small tins no mata”

📌 Start to dey tok sey:
✅ “I dey obey Baba-God”
✅ “Obedience dey bring blessing for my life”
✅ “My life get purpose con brekete wit meaning”

❓ DISCUSSION QUESTIONS + ANSAS
Q1: Wetin obedience mean?
✅ Ansa: To follow Baba-God instruction wit heart, mind, plus action.
Q2: Why obedience dey important?
✅ Ansa: Obedience dey bring blessings, fulfill purpose, con protect life.
Q3: How obedience dey connect purpose?
✅ Ansa: Obedience dey make gifts and talents dey used well, and life dey meaningful.
Q4: How person fit practice daily obedience?
✅ Ansa: Pray, read Bible, apply instruction, speak life, avoid temptation.
Q5: Wetin go sup if pesin dey disobey Baba-God?
✅ Ansa: Pesin go miss blessings, face wahala, and purpose no go dey.

🗣️ WEEK FIVE CONFESSION

“Baba-God, I go obey you today.
I go follow your instruction wit heart and action.
I dey creative, I dey productive, I dey bless odas.
Blessings dey my way. My life dey purposeful.
Obedience dey unlock good tins for me. Amen.”

📌 TEACHER NOTE
-Seriously tok about how small obedience dey mata for life.
-Encourage students to practice obedience everi day.
-Remind dem sey obedience dey bring blessings, con connect purpose.